Throwback養和生仔記 -走佬袋篇

話說大仔都兩歲啦，點解仲要寫番個生仔記出嚟，因為身邊有朋友大肚（恭喜！！！），大家對入院生仔有好多疑難，例如私院走佬袋要執咩？見紅又未陣痛入唔入院好？入院後流程係點？打唔打無痛？病房有咩設施？係醫院兩晚點渡過？重點。。。埋單幾錢？！

重點重點，我今次生細佬係浸會生，我估應該都有人想知兩間醫院有咩分別，我會盡力開番個腦既folder，猶如昨日生產咁詳盡地分享！！！！

養和走佬袋清單＋小貼士

我係勁心急既人，又怕自已個肚愈來愈大唔方便走動，但關於生仔嘢又唔想假手於人，又唔知自己會唔會早產，所以走佬袋、坐月藥材，BB用品等等我係32週已經搞掂晒，之後既日子就係屋企洗BB衫入密實袋、炒米，打點下咁，有咩買錯買漏仲有時間補救！

首先走佬袋我係用Longchamp Le Pliage original travel bag (XL)，超級無敵好用！係我巴黎時裝周出trip時喺機場免稅店買，好似900蚊港幣，容量好勁但又可以摺到好細，旅行瘋狂購物用一流，所以兩胎走佬袋都靠佢！

p.s:如果公立生的話細袋D好，因為途中要轉床，要自己拎袋，朋友分享過帶太大袋俾姑娘話，寧願之後叫老公補給物資啦。

走佬袋清單如下：

自己 &丈夫身分證
按金信
入院信
小袋放個人物品
外置叉電器
炒米茶包 (20包)
消毒spray
消毒濕紙巾一大包
抹身巾
護膚品（洗面gel、抹面巾、面霜）
肚油
牙膏
牙刷
漱口杯
滴雞精 6包
面紙1盒
哺乳胸圍 2個
乳墊4對
拖鞋
襪（我無用過，醫院冷氣唔算凍，我生完個人有D熱又出汗，帶咗都無用！）
睡衣一套（其實有病人衫提供，但著自己衫舒適D！）
免沖洗頭髮噴霧
保溫瓶2個
即棄底褲一包（試過用網褲，但喺醫院長期攤係度個人又熱，D網紋印到pat pat搞到好痕，買即棄棉質個隻好好多。）
孕婦衛生巾2包
安睡褲2包
自己出院衣物（衫，褲，外套，鞋，襪，帽，圍巾）
BB 出院衣物（包被、面衫，包pat pat款底衫，手套，腳套，帽仔）

用過荷花有售的dry shampoo，但用完覺得好重好笠，中醫私下推介Amika俾我，又真係好好喎，持久地唔笠，陣味清新！
我用Kotex產婦衛生巾黏貼裝，但只係頭一兩日用，之用我轉安睡褲。
首先走佬袋我係用Longchamp Le Pliage original travel bag (XL)，超級無敵好用！係我巴黎時裝周出trip時喺機場免稅店買，好似900蚊港幣，容量好勁但又可以摺到好細，旅行瘋狂購物用一流，所以兩胎走佬袋都靠佢！
推介Pigeon 防溢母乳墊，每包入面有兩塊好方便），忙起上來拆乳墊都係時間！！乳墊我有帶入院但無用過，因為未上奶，但有媽媽留院時已有奶，帶咗穩陣。
消毒spray我用Zoono，來自紐西蘭，因為佢已獲實驗室證實，可有效對抗新型冠狀病毒及防止交叉感染，佢可以長期緊附於物體表面，好似磁石咁吸引病原體，再用如億萬顆密集尖針刺破氣球咁殺滅病原體，令佢不能再分裂、變異而生存或衍生發展出抗藥性惡菌。
我飲平凡媽媽代理台灣牧田烏骨雞滴雞精，留院期間每日2包，補氣血，個人醒神D！
帶去醫院既消毒濕紙巾我係用Walch，最近見到順順兒新出「嬰幼兒用品殺菌濕紙巾」，講明有效殺菌之餘又低敏，不含有害物，無味，買咗係屋企用，質感幾好。
生大仔我用Elemis，第二胎我用Mamame出既有機Rosehip oil，吸收快，薄身D，第二胎近乎無中線！不過幾貴下，900幾蚊100ML，因為我陀大仔無出紋，怕第二胎失手，所以貴都試啦，如果＄1800 VS 有肚紋，咁諗既話真係小小錢啦，最緊要靚呀！！最近送咗2枝比大肚好友，希望保佢平安XD
係醫院第二日我轉用安睡褲，因為試過換M巾粗暴得滯整爛左條網褲，加上順產復原較快，第二日算叫行動自如，用安睡褲成條換方便得多，出院後喺屋企頭幾日惡露較多我都用安睡褲，之後先轉返用M巾。
BB底衫我買mides美棉包pat pat款，前開胸＋啪鈕。美棉輕身不易變形，抗菌，貴就貴D，正價＄198一件，但佢長期做買3件85折，包pat款防入風；揀啪鈕係因為沖完涼想盡快著好衫，綁帶太煩，大個D郁來郁去仲更難綁帶，啪鈕方便好多，